Karrý de lux – kókoskarrý með kjúklingi og grænmeti

Venjulegt Karrý hjá Pottagöldrum er það sem þeir kalla „venjulega“ eða enska karrýið. Það er milt og klassískt karrý sem hentar mjög víða — t.d. í kjöt- og fiskibollur, kjöt-, fisk- og grænmetisrétti, kaldar sósur og kryddolíur.

Karrý de lux er aftur á móti aðeins flóknari og ilmríkari blanda. Blandan er með mikið af ilmandi ristuðum fræjum og jurtum. Það er einnig milt, en gefur réttinum dýpra og fjölbreyttara kryddbragð. Það hentar sérstaklega vel með fiski, rækjum, kjúklingi og öðru kjöti, sem og í bauna- og grænmetisrétti

Hráefni

• 500 g kjúklingur

• 2 msk. Karrý de lux

• 1 laukur

• 2 hvítlauksgeirar

• 1 rauð paprika

• 1 lítið brokkolíhöfuð

• 1 dós kókosmjólk

• 1 msk. tómatpuré

• Safi úr ½ límónu

• Olía til steikingar

• Salt eftir smekk

Aðferð

Steikið lauk og hvítlauk í olíu og bætið Karrý de lux út í. Bætið kjúklingnum við og brúnið. Setjið grænmetið, tómatpuré og kókosmjólk út í og látið malla þar til kjúklingurinn er eldaður og grænmetið meyrt. Smakkið til með límónusafa og salti. Berið fram með hrísgrjónum.